Framtíðarfólkið hitar upp

Jazzhátíð Garðabæjar verður haldin dagana 20.-23. apríl. Hátíðin er haldin á vegum menningar- og safnanefndar Garðabæjar en listrænn stjórnandi hátíðarinnar er Sigurður Flosason tónlistarmaður. Styrktaraðili hátíðarinnar er Íslandsbanki í Garðabæ. Hátíðin er nú haldin í ellefta sinn.

Upphitunar tónleikar fyrir jazzhátíð verða miðvikudaginn 20. apríl kl. 20:30  í Kirkjuhvoll, safnaðarheimili Vídalínskirkju.  Á tónleikunum koma fram 5 hljómsveitir úr Tónlistarskóla Garðabæjar.