Söngkeppni Vox Domini

Tinna Margrét Hrafnkelsdóttir, söngnemandi Tónlistarskóla Garðabæjar, lenti í þriðja sæti í flokki nemenda í framhaldsstigi í söngkeppninni Vox Domini.

Keppnin er haldin á vegum Félags íslenskra söngkennara og veitir þátttakendum einstakt tækifæri til að spreyta sig meðal jafningja í einu keppninni á Íslandi í klassískum söng.

Keppnin er opin öllum söngvurum sem hafa stundað nám í íslenskum tónlistarskóla og hafa lokið miðstigi í söng.

Alls skráðu sig 26 söngvarar í forkeppnina, en 9 keppendur náðu alla leið í úrslitakeppnina sem haldin var sl. sunnudag í Salnum Kópavogi.

Tónlistarskóli Garðabæjar óskar Tinnu Margréti innilega til hamingju með glæsilegan árangur.